பரதவர் முன்னேற்றப் பேரவை

பரதவர் முன்னேற்றப் பேரவை என்பது தமிழகம் முழுவதுமுள்ள பரதவர்களின் அனைத்து பிரிவுகளில் உள்ள முக்கிய நபர்களை கொண்டு 01/04/2021 அன்று தொடங்கப்பட்டது. இந்தப் பேரவை 28/12/2021 அன்று சென்னை தண்டையார்பேட்டையில் உள்ள சங்கங்கள் பதிவுத்துறையில் முறையாக பதிவு செய்யப்பட்டு .239/2021 பதிவு எண் பெறப்பட்டுள்ளது. இந்த பரதவர் முன்னேற்றப் பேரவையின் நோக்கம். தமிழகம் முழுவதும் பரவி வாழும் பரதவர்களின் அனைத்து உட்பிரிவுகளையும் ஒன்றிணைப்பது ஆகும்.

காரணம்.

பண்டைய தமிழர்களில் முதல் குடி பரதவர்கள்.
இவர்கள் தமிழினத்தின் ஆரம்ப நாகரிகத்தில் இருந்து தமிழக வரலாற்றில் பெரும் பங்கு வகித்து வருகிறார்கள்.
நெய்தல் நிலத்தில் வாழ்ந்த மக்களை சங்க இலக்கியங்கள் ‘பரதவர்” என்று அடையாளப்படுத்து கின்றனர்.
நெய்தல் நிலத்திற்குரிய ஆண்களை பரதவர், பரதர், நுளையர், அளவர் என்றும்.
பெண்களை நுளைச்சியர், பரத்தியர், அளத்தியர் என்றும் அடையாளப்படுத்தப் பட்டுள்ளனர்.
உப்பு வணிகம் செய்தவர்களை உமணர் என்கிறது சங்கப்பாடல்கள்.
பாரம்பரிய மீனவர்களில் ஒரு பிரிவினரான நுளையர் என்ற பெயர் அகநானூற்றிலும் திமிலர் என்ற பெயர் மதுரைக் காஞ்சியிலும் பயன்படுத்தப்பட்டுள்ளது.
ஆனாலும் பரதவர் என்ற பெயர்தான் பெரும்பாலான சங்க இலக்கியங்களில் காணப்படுகிறது.
பரதவர்கள் காவிரிப் பூம்பட்டினத்தில் வாழ்ந்ததாக பட்டினப்பாலை கூறுகிறது.
பாரம்பரிய மீனவர்கள் மீன் பிடித்தல், முத்து குளித்தல், பவளம் எடுத்தல் மற்றும் கடல் வணிகத்தில் சிறந்து விளங்கியுள்னர்.
சோழ மற்றும் தொண்டை மண்டல பரதவர்கள் பட்டினவர் செட்டியார்கள் என்று அழைக்க படுகிறார்கள்.
இந்த பரதவர் மக்கள் தமிழகத்தின் அடிநாதமாக இருந்திருக்கிறார்கள்.
பண்டைய தமிழகத்தின் சேர சோழ மற்றும் பாண்டிய அரசில் இவர்கள் பங்கு மிக அதிகம்.
இவர்கள் கொற்கை, பூம்புகார், தொண்டி, முசிறி மற்றும் பல கடற்கரை பட்டினங்களில் வாழ்ந்து வந்தவர்கள்.

இலங்கிரும் பரப்பின் எறிசுறா நீக்கி
வலம்புரி மூழ்கிய வான்மதில் பரதவர்
ஒலிதலைப் பணிலம் ஆர்ப்பக் கல்லென
கலிகெழு கொற்கை _அகம் 350

சோழ நாட்டின் தமிழ் பெரும் மன்னன் கரிகால் பெருவளத்தானை போற்றும் பட்டினப்பாலை பரதவர் வாழ்வியலை படம் பிடித்து காட்டுகிறது.

சினைச்சுறவின் கோடுநட்டு
மனைச்சேர்த்திய வல்லணங்கினால்
மடற்றாழை மலர்மலைந்தும்
பிணர்ப்பெண்ணைப் பிழிமாந்தியும்
புன்றலை இரும்பரதவர்
பைந்தழைமா மகளிரொடு
பாயிரும் பனிக்கடல் வேட்டஞ் செல்லாது
உவவுமடிந் துண்டாடியும்

மேற்குறிய பட்டினப்பாலை பாடல் பரதவர் மூலமாக தமிழரின் வருண கடவுள் வழிபாட்டை நாம் அறிகிறோம்.

சைவ மதத்தின் ஆணிவேராக பரதவர் இருந்த காரணம் தான் அதிபக்த நாயனார் பரதவ குலத்தில் தோன்றினார்.
இன்றும் இப்பரதவரில் ஒரு பகுதியில் வாழும் மக்கள் சிவன் படவர் செம்படவர் சிவன் படையினர் என்று அழைக்க படுகிறார்கள்.
வைணவ மதத்தில் சௌரிராஜன் என்று திருமால் அடையாளம் கொண்டு இவர்கள் திருக்கண்ணபுரத்தில் சௌரிராஜ பெருமாள் பரதவ குலத்தில் பிறந்த பத்மாவதி தாயாரை மணந்ததால் அவரை மருமகன் என்றும் பரதவர்கள் அழைத்துகொண்டு போற்றி வாழ்கிறார்கள்.
வலைவீசு புராணத்தில் சிவனே பரதவனாக வந்து பார்வதி தேவியை மணந்து கொண்டார் என்றும் வரலாறு கூறுகிறது.
பரதவர்கள் உலகம் முழுவதும் கடல் வழியாக பல நாடுகளுக்குச் சென்று வணிகம் செய்துள்ளனர்.
ஆனால் இப்படி பழம்பெருமை வாய்ந்த, தமிழர்க்கு தன் கடல் வணிகம் மூலம் பெருமை சேர்த்த பரதவ மக்கள் இன்று நலிந்து மிகவும் பின் தங்கிய நிலையில் அடையாளம் அற்று உள்ளனர்.
அன்று ஆங்கிலேயர் செய்த புரிதல் அற்ற செயல்களால் பரதவர் என்ற இனப் பெயர் வழக்கில் இல்லாமல் சிதறி விட்டது.

1)பட்டினவர் (சின்ன பட்டினவர், பெரிய பட்டினவர், செட்டியார்,
வருணாகுல முதலி மற்றும் கரையர்).
2) பருவதராஜகுலம்
3) அரையர், அரையன், நுளையர்.
4) பரவர்,
5) பரதர்.
6) முக்குவர்
7. அளவர்.
8. சவளக்காரர்.
9. செம்படவர், நாட்டார்.
10.கடையர் (பட்டம் கட்டியர்)
11. ஓடக்காரர்.
12. குகவேளாளர்.
13. உப்பிலியர்
14. பெஸ்த்தா
போன்ற பல பெயர்களில் பரதவர்கள் வாழ்ந்து வருகிறார்கள்

இந்த வரலாற்று பிழையை நீக்கி பரதவர் என்று பண்பாட்டு புரட்சிமிக்க பெயரை மீட்டெடுக்க பரதவர் முன்னேற்றப் பேரவை உறுதி பூண்டு உள்ளது. பரதவர்களில் இருந்து மறைந்து வாழ்ந்து கொண்டிருக்கும் பரதவர்களின் அனைத்து உட்பிரிவுகளையும் ஒன்றினைத்து பரதவர் என்று அரசாணை பெறவும்
தமிழர் வரலாற்றில் பரதவர்களுக்கான அங்கீகாரத்தை பெற்றிடவும்.
பாரம்பரிய வரலாறு கொண்ட பரதவர் மக்களுக்கு பரதவர் என்ற அரசாணை வாங்கிடவும்.
மத்திய அரசுக்கும் மாநில அரசுகளுக்கும் கோரிக்கைகளின் மூலமாகவும்.
பரதவர்களுக்கான அரசியல் வேலைவாய்ப்பு தனக்கான இட ஒதுக்கீடு ஆகியவைகளை பெற்றிடவும்.
பரதவர் மக்கள் பிற சமூகங்களுக்கு இணையாக வாழ வழிவகை செய்வதற்காக உருவாக்கப்பட்டதே பரதவர் முன்னேற்றப் பேரவை என்பதை தெரிவித்துக் கொள்கிறோம்.